U mblodhën sërish këtë të shtune.
Ndonëse kishin vetëm një pikë në rend dite, edhe atë dështuan ta përmbushin.
Madje siç çdo herë tjetër, edhe kjo seancë në tentim për të zgjedhur nënkryetarin serb, filloi me gati një orë vonesë.
Fillimisht u hodh në votim anëtarja e Listës serbe, Miljana Nikoliq.
Me zero vota për, 52 kundër dhe 24 abstenime, Nikoliq dështoi në tri tentime të zgjidhet nënkryetare e Kuvendit të Kosovës.
Pas saj, në votim me short u hodh Nenad Rashiq.
As Rashiq, me 56 vota për, 0 kundër dhe 21 abstenime, nuk u zgjodh nënkryetar.
Vota të mjaftueshme nuk mori as Igor Simiq.
Ai ishte i fundit në rundin e votimeve për nënkryetar të komunitetit serb.
Kësisoj, dështoi konstituimi i Kuvendit, dhe kryekuvendari Dimal Basha e shpalli të mbyllur seancën.
Basha thirri mbledhje të kryesisë së Kuvendit për të hënën.
