I akuzuari për krime lufte ndaj popullatës civile në Masakrën e Izbicës Muhamet Alidemaj, u ul përsëri në bankën e të akuzuarit në gjykatore.
Kësaj radhe për të dëgjuar dëshmitë e tre dëshmitarëve, të cilët kishin ardhur nga Serbia e që Alidemaj i kishte fqinjë në kohën sa kishte jetuar në Jakovë të Serbisë.
Fadil Ramoviq, Streko Abramoviq dhe Millan Opashiq, dolën para trupit gjykues për të dëshmuar në këtë rast.
Dëshmitari Abramoviq tha se Alidemajn e njeh që nga viti 1998 kur kishin punuar bashkë në një kompani të autobusëve, ku Abramoviq kishte qenë shofer kurse Alidemaj kondukter.
Por, mohoi të ketë një fotografi apo dokument si dëshmi, kur u pyet nga prokurori.
I dyti me radhë ishte dëshmitari Fadil Ramoviq, i cili tha se Alidemaj kishte jetuar në shtëpinë e xhaxhait të tij.
Më i shkurtë në dëshminë e tij ishte Millan Opashiq e që pretendoi se Alidemaj në përiudhën prill-qershor nuk kishte qenë në Kosovë.
Seanca e radhës në këtë rast pritet të mbahet më 19 dhe 29 prill.
Kronikë e realizuar nga gazetarja, Gresa Bardhecaj.
