Tri raste të dhunës në familje, ku bashkëshortët kanë ushtruar dhunë fizike ndaj grave të tyre janë raportuar në Rajonin e Prishtinës gjatë 24-orëve të fundit, raporton teve1.info
Sipas raportit policor, rasti i parë ka ndodhur në Lipjan, ku një qytetar është arrestuar pasi ka ushtruar dhunë ndaj gruas së tij.
Viktima ka pranuar tretman mjekësor.
“Lipjan, 20.03.2023-15:00. Është arrestuar i dyshuari mashkull kosovar pasi që i njëjti ka sulmuar fizikisht bashkëshorten e tij viktimën femër kosovare. Viktima ka pranuar tretman mjekësor ndërsa i dyshuari me vendim të prokurorit dërgohet në mbajtje”, thuhet në njoftim.
Ndërsa rasti i dytë ka ndodhur në Fushë Kosovë ku po ashtu bashkëshorti ka ushtruar dhunë ndaj gruas së tij, mirëpo i njëjti është liruar në procedurë të rregullt.
Viktima ka pranuar tretman mjekësor.
“Fushë Kosovë, 20.03.2023-14:51. Është arrestuar i dyshuari mashkull kosovar pasi që i njëjti ka sulmuar fizikisht bashkëshorten e tij viktimën femër kosovare. Viktima ka pranuar tretman mjekësor, ndërsa, i dyshuari me vendim të prokurorit lirohet në procedurë të rregullt”, thuhet në komunikatën e Policisë.
Ndërkohë në rastin e tretë në Prishtinë, një grua ka raportuar se është sulmuar fizikisht nga bashkëshorti i saj, mirëpo nuk është raportuar për të lënduar e as arrestuar.
“Prishtinë, 20.03.2023-16:00. Viktima femër kosovare ka njoftuar se është sulmuar fizikisht nga bashkëshorti i saj i dyshuari mashkull kosovar. Nuk raportohet për të lënduar e as të arrestuar”, thuhet në komunikatën e Policisë së Kosovës.
