Vuajtjet e shumta që e kanë kapluar i kanë rënduar jetën.
Shahin Syla nga Shtutica e Drenasit tashmë e një kohë vuan nga një sëmundje e rëndë.
E si pasojë e ka të pamundur të punojë e të mbajë familjen e tij.
E 120 euro që i merr ndihmë sociale, pothuajse nuk i mjaftojnë as për terapinë që përdor.
“Ni ndihmë sociale e marr 120 euro, tjetër ndihmë nuk kam, vet nuk punoj se jam smut. Kam pasë një operacion, kam tumor në bishik të ujit, edhe i kam terapitë që i përdori”, shprehet Syla.
E sikur të mos mjaftonte kjo. Edhe bashkëshortja e Shahinit, vuan nga një sëmundje e rëndë që nuk po i gjen shërim.
“Grun e kam smut, o kon në Tiranë e ka bo një operacion edhe nuk ka pas sukses”, tregon ai.
E sfidat në jetë kryefamiljarit nuk po i ndalen dot.
Ai thotë se edhe një nga katër fëmijët, është me nevoja të veçanta.
“Fëmija nuk janë në shkollë. Se s’kemi pas mundësi me i shkollu, deri në të tetën janë shku. Edhe ni djal e kam, nuk është i aftë ai, e del qashtu…”, thotë kryefamiljari Syla.
E duke parë që nuk po mund të ia del dot, ai është detyruar të kërkojë ndihmë nga të gjithë vullnet-mirët.
“S’kam kah ia ngjes, dmth as s’kam kërkan, nuk di çka me bo, veç inshaAllah na ndihmon dikush”, është lutja e tij.
E deri sa dora e mëshirës të troket në derën e tij, Shahini së bashku me bashkëshorten dhe katër fëmijët, do të vazhdojnë të jetojnë në kushte të rënda dhe pothuajse pa shpresë.
Kontakti i familjes Syla 044853923
