Shqipëria pret të dielën në Air Albania, Poloninë. Një sfidë që mund të rezultojë vendimtare për fatet e kuqezinjve në këtë fushatë eliminatore për Euro 2024. Në konferencën për shtyp para ndeshjes, trajneri i polakëve Fernando Santos u shpreh se e vlerëson shumë Shqipërinë dhe se e njeh mirë forcën e saj edhe nga përballjet në të kaluarën.
“Jam i sigurt se askush nuk po mendon për një barazim këtu. Ne dhe rivalët tanë do të dalim për të fituar ndeshjen. Do të luajmë me një ekip shumë cilësor që po zhvillohet prej vitesh. Kam drejtuar Portugalinë kundër Shqipërisë në vitin 2016 dhe e di se sa është zhvilluar skuadra që atëherë. Është një ekip i organizuar mirë. E njoh mirë trajnerin rival, më pëlqen shumë kjo skuadër. Loja është e shkëlqyer taktikisht, është e organizuar mirë në fushë. Në fushë, të dyja skuadrat do të luftojnë për fitoren”, filloi trajneri i kombëtares polake.
“Në futboll, dikush gjithmonë duhet të fitojë dhe dikush duhet të humbasë. Njëri është i varur nga tjetri; Kjo është normale. Në fakt, secili ekip mund të fitojë, por ata do të varen plotësisht nga njëri-tjetri. Kushdo që nuk fiton do të shikojë deri në fund se çfarë do të ndodhë në ndeshjet e tjera”.
