Ministri i Brendshëm i Maqedonisë së Veriut, Pançe Toshkovski ka deklaroi se numri i viktimave nga tragjedia në Koçan ka shkuar në 59, derisa numri i të lënduarve është rritur në 155.
Sipas Toshkovski në mesin e viktimave është edhe një polic. Polici sipas Toshkovskit ka qenë në detyrë dhe në kontroll për përdorim të lëndëve narkotike.
“Në momentin që do të bëhet identifikimi i viktimave do të njoftohen familjarët”, tha Toshkovski duke nënvizuar edhe njëherë se ndjen përgjegjësi morale.
Ndryshe ai tha se është lëshuar fletë arrest ndërkombëtarë për 4 persona.
Ndryshe, zjarri raportohet se ka shpërthyer rreth orës 03:00 të mëngjesit gjatë një performance të grupit hip-hop ADN në klubin Pulse në Koçan, një qytet rreth 100 km në lindje të kryeqytetit, Shkup.
Sipas njoftimeve të Agjencisë së Lajmeve MIA, diskoteka private ka punuar me vite të tëra, kurse pronari i ndaluar ka qenë vazhdimisht pronar i objektit.
Licensa e punës së diskotekës skadonte më 24 mars./alsat.m
