Në mesin e aromës së gështenjave të pjekura dhe zhurmës së panairit, qendra rinore “Fetnet Ramosaj” në Deçan u mbush plot.
E pjesë e këtij manifestimi në nder të “Ditës së Gështenjës” në këtë qytet, është edhe kjo 84-vjeçare.
Nife Kuqi tregon me krenari punën e saj shumëvjeçare.
Kahere unë e boj gati që 50 vite, para lufte shumë, kqyri gështenjat, nuk kom mujt me dal shumë këtë vit, jom dal pak po jom dal, se 84 vjet po nuk muj mu duru mos me dal se thom s’muhna edhe ma zi”, deklaroi Kuqi.
Për Kadri Mujajn e Shkendrit Ramosjan, kjo ditë është më shumë se një panair.
Kjo ditë është shumë e veçantë sidomos për bujqit, sepse i promovojmë prodhimet tona nga fshati….Shumë është e veçantë është Dita e Gështenjës, këto janë gështenja të Deçanit, sot i kemi çit këtu për me i pjek dhe me i shpërnda gratis”, tha Ramosaj.
Në mesin e të pranishmëve ishte edhe një artist që kishte ardhur nga New York-u.
“Unë prej Neë Yorkut e bona një udhëtim që të jem prezent këtu, të bëjmë një kontribut për këtë vend të bukur të Deçanit. Është e para herë që po vi por i kam taku shokët mbas 50 viteve që ishim në Shkollë të mesme”, deklaroi Cano – artis nga Ulqini.
Rreth kësaj ngjarje disa fjalë i pati edhe kryetari i komunës së Deçanit, Bashkim Ramosaj.
“Është ditë e veçantë, sepse përtej simbolikës, ne kemi një falënderim për frutën e gështenjës, sepse dikur ka ndikuar në ekonomitë tona familjare dhe jemi shkolluar dhe veshmbathur me këtë produkt”.
I pranishëm ishte edhe kryetari i AAK-së, Ramush Haradinaj, i cili vlerësoi përkushtimin e deçanasve.
“Fermerët e Deçanit, njerëz punëtorë me të cilët krenohemi që e kanë mbajtur këtë popull në kohërat e vështira dhe na kanë mbajtur në kohën e luftës me bukë e me krejt çka na u ka dashur. E vërtetë është që gështenja e Deçanit, unë mendoj që nuk ka si kjo në botë”, deklaroi Haradinaj.
Në këtë edicion të 7-të të këtij panairi, përveç gështenjave, aty u ekspozuan edhe produkte të tjera vendore si mjaltë e punime tradicionale.
Kronikë e realizuar nga gazetarja Jona Kelmendi.
