Në emisionin “Info Nata” në Tëvë1, Avdiu i quan të drejta kritikat e kryetarit të Aleancës për Ardhmërinë e Kosovës, Ramush Haradinaj, në drejtim të kryeministrit, Albin Kurti.
Sipas tij, pjesë e delegacionit të Kosovës duhet të jenë edhe zyrtarë nga Ministria e Punëve të Jashtme dhe Diasporës, të cilët aktualisht nuk janë pjesë e ekipit negociues.
“Faktikisht zv. Kryeministri, Besnik Bislimi nuk ka asnjë ditë që ka punuar në diplomaci dhe nuk ka njohuri të duhura për diplomacinë dhe në çdo traktat dhe bisedime diplomatike duhet përfshirë edhe zyrtarë të MPJD-së. Në atë çfarë dij unë asnjë nuk është i përfshirë në bisedime. Në MPJD ka zyrtarë të përgatitur për bisedime por që nuk ftohen”, tha Avdiu.
Tutje, teksa foli për dialogun me Serbinë, Avdiu deklaroi se themelimi i Asociacionit të Komunave me Shumicë serbe është “pikë e nxehtë që Qeveria Kurti duhet ta trajtojë”.
“Njëjtë është edhe me Asociacionin e Komunave që është pikë e nxehtë që Kurti duhet ta trajtojë dhe në debatin për faktin se në dialog është pika më e nxehtë ka qenë një debat i ashpër i është kërkuar edhe Escobar në Komisionin e Jashtëm se çfarë prish dhe çfarë e ruan këtë dokument nëse shkon, implementohet siç është tani ose siç ka qenë më herët në vitin 2015”, shtoi ai./teve1.info/.
