Sapo mori telefonatën nga qytetarët, togeri policor Reshat Hyseni doli në vendngjarje. E ardhja e tij në këtë vend, të hënën i shpëtoi jetën një personi i cili tentoi vetëvrasjen.
Togeri Hyseni, rrëfen përjetimet e tij që nga momenti kur u ballafaqua me personin në fjalë.
“Biseda ime me të ka zgjatur dikund rreth 40 minuta. Reliasht kur ta shiqojsh në aspketin real, ka qenë një kohë shumë shumë e gjatë. Kemi biseduar për të gjitha problemet që i ka pasur, kemi arrit që t’i afrohemi dalë ngadalë deri afër duke krijuar një lloj shoqërizimi dmth në vend të ngjarjes aty, për shkak se situata ka qenë shumë e ranë shumë e keqe, pozita ka qenë asisoji që fillimisht nuk kemi pasur mundësi fare të afrohemi”, tha Hyseni.
Tutje, 49-vjeçari tregon një prej momenteve kritike.
“Ka pasur dy-tri raste që viktima e ka kaluar gjysmën e trupit në anën tjetër të vinçit. Emocionet janë shumë të përziera edhe gjatë kontaktit në mendje janë sjell me qindra e qindra mendime. Ne jemi nis prej faktit që do të kemi sukses dhe aasniherë nuk kam dyshuar në ata që nuk do t’ia dal, vetëm siguria ime ka ndiku që të jem sa më bindës, të mos lëkundem dhe ta krijoj një afri në mënyrë që ta bindi vitkimën e këtij rasti të heq dorë nga tentimi i tij”, tha ai.
Vepra “heroike” e Hysenit, për të është një prej sukseseve më të mëdha.
“E ka zgjatur dorën, e kemi kap, kemi zbritur bashkë me të deri në katin e poshtëm. Emocionet janë të papërshkrueshme, të jashtëzakonshme, për shkak se të shpëtosh një jetë është diçka shumë e madhe. Nuk jam ndje ma i kënaqur asnjëherë në jetën time”, u shpreh ai.
Rasti është cilësuar si vetëvrasje në tentativë, ndërkaq personin e shpëtuar, policia e ka shoqëruar në stacion.
Kronika e gazetares Valëza Sylejmani.