Etrit Berisha ka pësuar tjetër humbje në elitën e futbollit të Italisë. Portieri i Shqipërisë me Empolin të dielën u mposhtën në udhëtim te Bologna me rezultatin 3:0, në kuadër të xhiros së shtatë të Serie A. Tek Empoli luajti edhe sulmuesi 20-vjeçar, Stiven Shpendi, nga minuta e 79-të.
Ardian Ismajli është kthyer nga lëndimi, por nuk u inkuadrua. Qëndroi në stol. Riccardo Orsolini i shënoi të tre golat për Bolognan. Në pjesën e parë shënoi në minutën e 21-të, kurse në pjesën e dytë në minutat 66 dhe 92. Bologna ka 10 pikë nga shtatë ndeshje, kurse Empoli ka vetëm tri pikë.