“Kërcimin e pëllumbave”, e kemi parë shpeshherë në karnavalet e Brazilit, por tani “seleçao” po e bëjnë këtë mënyrë feste edhe në Katar, derisa në çdo gol ekipi po e feston me këtë kërcim, e në ndeshjen me Korenë e Jugut u përfshi edhe trajneri Tite.
Trajneri i brazilianëve, i shtyrë nga Richarlison pas fitores 3-0, u bashkua në festën e ekipit të tij, gjë e cila solli diskutime të shumta më pas, pasi u pa si mosrespektim i kundërshtarit.
Në konferencën për shtyp, Tite theksoi se është në kulturën e Brazilit që golat t’i festosh me kërcim.
“Është në kulturën braziliane kur shënon një gol. Nuk është kurrë mungesë respekti. Dhe ne do të vazhdojmë ta bëjmë në mënyrën tonë, sepse nuk po tregojmë mungesë respekti ndaj askujt.”-deklaroi ai.