Apple po përgatitet të tregojë pajisjen e saj më të fundit gjatë një evenimenti që do të mbajë ditën e mërkure më 19 Shkurt. Tim Cook zbuloi datën përmes një postimi në rrjetin social X duke thënë: “Përgatituni të njiheni me anëtarin më të ri të familjes”.
Besohet se Apple do të prezantojë gjeneratën më të fundit të iPhone SE, një model i cili nuk është rifreskuar që prej 2022. Javën e kaluar një raport nga Bloomberg thoshte se debutimi i iPhone SE ishte çështje ditësh.
Sipas spekulimeve telefoni vjen me ndryshime të mëdha dizajni, një ekran më i madh, pa butonin fizik Home dhe Face ID në vend të Touch ID.
Gjithashtu thuhet se ka çipin A18 i cili mundëson përdorimin e inteligjencës artificiale të Apple dhe është produkti i parë me modemin celular zhvilluar nga vetë kompania. /PCWorld Albanian
