Tifozët e Galatasaray kanë përgatitur një koreografi të pabesueshme në duelin e xhiros së pestë të Ligës së Kampionëve kundër Manchester United.
Koreografia e tifozëve turq shtrihet në të gjitha tribunat e stadiumit “Rams Park” në Stamboll.
Zhvillimi i ndeshjes ka qenë në dyshim gjatë gjithë ditës për shkak të reshjeve të dendura në Turqi, por pas inspektimit të zyrtarëve të UEFA-së u dha leja që ndeshja të luhet.
Megjithatë, shiu i dendur nuk i prishi planet tifozëve të klubit turk, të cilët bënë një koreografi mbresëlënëse në të gjitha tribunat e stadiumit.
“Mirë se erdhe në ferr”, thuhej në mesazhin e tifozëve të Galatasaray në drejtim të mysafirëve.
Në të njëjtën kohë, tifozët turq nuk kanë harruar të mbështesin palestinezët, ndaj kanë varur një pankartë të madhe me mesazhin: “Raca njerëzore po vdes në Gaza”.
