Një rekord i ri është vendosur në historinë e Kampionatit Evropian.
Në ndeshjen e luajtur të mërkurën mbrëma ndërmjet Turqisë dhe Çekisë, gjyqtari nga Rumania, Istvan Kovacs ka pasur shumë punë.
Në fakt, ai është detyruar të tregoj hiq më pak se 19 kartonë në këtë përballje, të cilën e fitoi Turqia me rezultatin 2:1 dhe avancoi në fazën nokaut të “Euro 2024”.
Prej këtyre 19 kartonëve, 17 ishin të verdhë dhe dy të kuq me të cilët u përjashtuan dy futbollistë të Çekisë.
Gjyqtari Kovacs ndau 11 kartonë të verdhë për lojtarët e Turqisë dhe shtatë të tjerë për ata të Çekisë.
Çeku Antonin Barak u përjashtua nga loja në minutën e 20-të pas dy kartonëve të verdhë, ndërsa Tomas Choryt iu tregua i kuqi direkt në minutat shtesë të ndeshjes.
Kështu që, rekordi i Kampionateve Evropiane për numrin e kartonëve në një ndeshje u thye të mërkurën në mbrëmje dhe atë në stadiumin e Hamburgut. Rekordi i mëparshëm ishte dhjetë kartonë të verdhë në një ndeshje të Kampionatit Evropian.
