Pas thirrjes së kryeministrit Albin Kurti për rikthim të miellit në furra, qytetarët janë ndarë në dy grupe për këtë ide. Përveç që ka të tillë që janë të gatshëm, disa të tjerë po e quajnë popullist të parin e shtetit. Në anën tjetër, pronarët e disa furrave në kryeqytet kanë thënë se gjatë ditës nuk kanë pasur kërkesa të tilla.
“Të gjithë qytetarët të cilët mund të kenë blerë më shumë se që iu nevojitet, i kisha inkurajuar që miellin ta dërgojnë në furrë, sepse nuk ka vend për panik”, ka thwnw Kurti.
Kjo kërkesë drejtuar qytetarëve nuk ua ndërroj mendjen atyre. Madje të njëjtit nuk e kanë pëlqyer këtë formë komunikimi. Sipas tyre i pari i shtetit nuk po mendon për zgjidhje por po bënë deklarata populliste.
E disa të tjerë kanë qenë të gatshëm ta kthejnë miellin nëpër furra. Edhe pas thirrjeve që të mos ketë panik, në shumë rafte të marketeve ka mungesë të miellit.
Numri i qytetarëve për tu furnizuar me miell e vaj ishte i madh.
Raporti i gazetes Fetije Kamberi.
