Një i mitur është arrestuar nga Policia e Kosovës, pasi që dyshohet se për shkak të një mosmarrëveshje ka sulmuar me thikë një person.
I mituri, viktimës i ka shkaktuar lëndime trupore me ç’rast është dërguar për tretman mjekësor në Spitalin Rajonal të Prizrenit.
Policia thotë se sipas raportit mjekësor, viktima është jashtë rrezikut për jetë.
Ndërsa, njësitë policore kanë konfiskuar thikën, e cila dyshohet se është përdorur.
Ndërkaq, i dyshuari me vendim të prokurorit, pas intervistimit është dërguar në mbajtje.
Njoftimi i Policisë së Kosovës:
Sheshi-Shatërvan, Prizren/ Është arrestuar i dyshuari mashkull kosovar-i mitur pasi që i njëjti dyshohet për shkak të një mosmarrëveshje të mëhershme ka sulmuar me një mjet të mprehtë-thikë viktimën mashkull kosovar, të cilit i ka shkaktuar lëndime. Viktima është dërguar për tretman mjekësor në Spitalin Rajonal në Prizren dhe sipas mjekëve është jashtë rrezikut për jetë. Njësitet policore kanë konfiskuar mjetin-thikën e cila dyshohet se është përdorur, ndërsa i dyshuari me vendim të prokurorit, pas intervistimit është dërguar në mbajtje./teve1.info/
