Një ngjarje e rëndë ka ndodhur të enjten pas mesnatës në qytetin e Prizrenit, ku një burrë ka therur me thikë gruan dhe vajzën e tij të mitur. Të dyja viktimat janë në gjendje të rëndë shëndetësore dhe ndodhen në trajtim mjekësor në Spitalin Rajonal të Prizrenit.
Për këtë, Policia e Kosovës ka arrestuar një burrë, nën dyshimin se ka sulmuar me thikë bashkëshorten dhe vajzën e tij të mitur.
Sipas raportit policor, rasti ka ndodhur rreth orës 00:20. Si pasojë e sulmit, të dyja viktimat kanë pësuar lëndime të rënda trupore dhe janë dërguar menjëherë në Spitalin Rajonal të Prizrenit për trajtim mjekësor.
Me vendim të prokurorit kompetent, i dyshuari është dërguar në mbajtje, ndërsa hetimet lidhur me rastin janë duke vazhduar.
“Prizren 17.10.2025 – 00:20. Është arrestuar një i dyshuar mashkull kosovar, nën dyshimin se i njëjti u ka shkaktuar lëndime me mjet të mprehtë-thikë viktimave – bashkëshortes dhe vajzës së tij të mitur. Viktimat me lëndime të rënda trupore dhe janë dërguar në Spitalin Rajonal për tretman mjekësor. Me vendim të prokurorit i dyshuari është dërguar në mbajtje”, thuhet në raport./teve1.info/
