Një person ka mbetur i plagosur me thikë si pasojë e një përleshje që ka ndodhur mbrëmjen e sotme në rrugën “Jeton Dedushaj” në Pejë.
Viktima është dërguar në QKUK, ndërsa të dyshuarit ende nuk janë arrestuar.
Kështu bëri të ditur për teve1.info, zëdhënësi i policisë për rajonin e Pejës, Fadil Gashi.
“Rreth orës 19:30 policia është njoftuar për një rrahje në rrugën ‘Jeton Dedushaj’ në Pejë. Gjatë përleshjes është përdorur mjeti mprehtë thikë, me që rast një person është ther me thikë dhe është dërguar për në spitalin rajonal, gjersa të dyshuarit janë larguar nga vendi i ngjarjes në drejtim të panjohur. Në vend të ngjarjes janë njësitë kompetente. Dy të dyshuarit janë të njohur për policinë”, tha Gashi.
Ndërkaq, zëdhënësi i Prokurorisë Themelore në Pejë, Shkodran Nikçi, ka bërë të ditur se viktima është dërguar për trajtim mjekësor në QKUK për shkak të gjendjes së rëndë shëndetësore.
“Një person është plagosur me thikë, për këtë çështje menjëherë ka dalë në vendin e ngjarjes policia dhe Prokurori i Krimeve të Rënda. Viktima është dërguar për trajtim mjekësor në QKUK për shkak të gjendjes së rëndë, ndërkaq është duke u bërë përpjekje maksimale për arrestimin e personit të dyshuar. Në vendin e ngjarjes janë duke u kryer ekzaminimet e nevojshme”, tha Nikçi./teve1.info/
