Një person është therur me thikë në fshatin Orllan të Podujevës.
Rastin për teve1.info e konfirmoi zëdhënësja e Policisë së Kosovës për rajonin e Prishtinës, Flora Ahmeti, e cila bëri të ditur se aktualisht në stacionin policor po intervistohen tre persona për të cilët dyshohet se janë të përfshirë.
“Sot rreth orës 19:00, kemi marrë informatën për një lëndim trupor të ndodhur në fshatin Orllan të Podujevës. Në këtë rast nga një mjet i mprehtë (thikë) është lënduar një person. Aktualisht në stacion policor po intervistohen tre persona të cilët dyshohet të jenë të përfshirë në rastin në fjalë”, thuhet në përgjigjen e Ahmetit.
Njëherit, Ahmeti ka njoftuar se personi i therur është dërguar për trajtim mjekësor.
“I njëjti është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti”, ka shtuar tutje Ahmeti./teve1.info/.
