Një nxënëse është therur me thikë në shkollën “8 Marsi” në Pejë.
Kështu ka bërë të ditur për Tëvë 1, zëdhënësi i policisë për rajonin e Pejës, Fadil Gashi, i cili tha se i dyshuari është arrestuar.
Tutje, ai tha se në lidhje me rastin është konfiskuar një thikë më të cilën dyshohet se është kryer vepra.
“Sot rreth orës 08:30 policia është njoftuar nga stafi i shkollës “Tetë Marsi” se një nxënëse(vikatima F) është lënduar. Policia ka dalur në vendin e ngjarjes, e ka arrestuar të dyshuarin, viktima është dërguar emergjencën e spitalit për tretman mjekësor. Janë shoqëruar në stacion policor edhe dy dëshmitarë, të cilët janë intervisuar. Është konfiskuar mjeti i mprehtë – thika me të cilën dyshohet se u krye vepra. Është njoftuar Prokurori i Shtetit, i cili ndaj të dyshuarit – nxënës i kësaj shkolle e ka caktuar masën e ndalimit prej 48 orëve. Rasti u cilësua si lëndim i lehtë dhe mbajtje në pronësi, kontrollë i pa autorizuar i armëve”, tha Gashi.
