Kryeministri i Kosovës, Albin Kurti në mbledhjen e ekzekutivit tha se po propozon krijimin e këtij Këshilli Organizativ për ta nderuar shënimin e njëqind e dhjetë vjetorit të shpalljes së Pavarësisë së Shqipërisë, raporton teve1.info
“Me datën 28 nëntor 2022 shënojmë 110 vjetorin e Pavarësisë së Shqipërisë për të nderuar këtë festë të madhe kombëtare propozoj para jush krijimin e Këshillit Organizativ që do të ngarkohet me përgjegjësi për realizmin e programeve së ceremonive shtetërore në rastin e kësaj feste dhe këtij përvjetori jubilar”, tha Kurti.
Kurti njoftoi se këtë Këshill do ta kryesojë ministri i Kulturës, Hajrulla Çeku.
Këshilli Organizativ për shënimin e Njëqindedhjetë Vjetorit të shpalljes së Pavarësisë së Shqipërisë do ta ketë këtë përbërje:
- Ministri i Kulturës, Rinisë dhe Sportit, kryesues;
- Koordinatori i Sekretariatit Koordinues Ndër Qeveritar; zëvendës kryesues;
- Ministrja e Punëve të Jashtme dhe Diasporës, anëtare;
- Përfaqësues, Zyra e Kryeministrit, anëtar;
- Ministri i Mbrojtjes, anëtar;
- Ministri i Punëve të Brendshme, anëtar dhe
- Ministri i Administrimit dhe Pushteti Lokal; anëtar.
Sipas vendimit të miratuar, ftohen që të dërgojnë nga një përfaqësues edhe:
- Përfaqësues, Zyra e Presidentes, anëtar;
- Përfaqësues, Kuvendi i Republikës së Kosovës, anëtar;
- Përfaqësues, Protokolli i Shtetit, anëtar; dhe
- Përfaqësues, Sekretariatit Koordinues Ndër Qeveritar, anëtar
https://teve1.info/lajmet/qeveria-mbane-mbledhje-sot-ky-eshte-rendi-i-dites/