Pas hapjes së afatit kalimtar të janarit kanë nisur spekulimet për një largim të mundshëm të yllit kosovar Edon Zhegrova nga Lille, gjatë këtij muaji.
Dje, gazetari italian dhe njëherësh eksperti i transfereve, Fabrizio Romano zbuloi se interesim për 25 vjeçarin ka shfaqur Napoli.
Me kërkesë ta trajnerit Antonio Conte, klubi italian e do “Messin e Kosovës” qysh në janar.
Por, sot mediat britanike shkruajnë se anësori ofanziv mund të ketë të ardhme në Premierligë.
Madje, gazetarët e mediumit të njohur “The Athletic” ia kanë sugjeruar majtakun Arsenalit, i cili po vuan në fazën ofanzive.
Ata i kanë përshkruar aftësitë e jashtëzakonshme të lojtarit për driblime dhe për finalizime nga distanca, por edhe për asistime dhe pasime vendimtare.
Edhe në të kaluarën është përfolur për një interesim eventual të “Gunners” për përfaqësuesin kosovar.
Kartoni i Zhegrovës kushton 25 milionë euro, ndërsa ai ka kontratë me Lillen deri në vitin 2026.
Zhegrova i ka realizuar 8 gola në këtë sezon, 4 prej tyre në Ligën e Kampionëve, tri në fazën kualifikuese dhe një në fazën e ligës.
Gjithashtu, katër të tjerë në Ligue 1.
Ndër të tjera, i ka edhe dy asistime, një në kampionatin francez dhe një në Champions.