Oborri i Qendrës Klinike Universitare të Kosovës u mbush me vetura të EULEX-it paraditen e së enjtes.
Këtyre në asistim iu erdhën edhe Njësia Speciale e Policisë së Kosovës.
Pasi këtu për vizitë te babai i tij, erdhi një person i rëndësishëm.
Ish- presidentit Hashim Thaçi iu lejua te vijë në Kosovë, për ta parë të atin që po merr trajtim në Klinikën Interne.
E pas disa orësh, Thaçi doli nga kjo Klinikë nën brohoritje nga simpatizantët e tij.
Për ta parë Thaçin që po mbahet në paraburgim në Hagë këtu erdhën shumë qytetarë e bashkëluftëtarë.
Interesim për ta parë ish-presidentin ishin edhe stafi mjekësor.
Derisa të emocionuar për ardhjen e tij, u shprehën bashkëluftëtarë e bashkëpunëtor të Thaçit.
Edhe nga Dhomat e Specializuara në Hagë konfirmuan vizitën e Thaçit.
“Për arsye detyruese humanitare, Trupi Gjykues dhe gjyqtari i procedurës paraprake kanë udhëzuar Sekretarin që të menaxhojë një vizitë paraburgimi në Kosovë për Hashim Thaçin që të jetë me babain e tij. I akuzuari mbetet në paraburgim dhe në paraburgim nga Dhomat e Specializuara”.
Mbrojtja e Thaçit kishte kërkuar dy herë gjatë këtij viti lirimin e përkohshëm të klientit të tij për të vizituar babain e tij, por gjykata i kishte refuzuar.
