Që nga nëntori i vitit të kaluar, krahas ballafaqimit me pretendimet për krime lufte, Hashim Thaçi ka filluar përballjen me Zyrën e Prokurorit të Specializuar edhe për pengim të administrimit të drejtësisë.
Kjo aktakuzë e prokurorisë, këtë muaj pësoi disa ndryshime.
Aktit akuzues iu shtua edhe vepra penale e pengimit të personave të zyrtarë.
“Më 14 prill 2025, duke marrë parasysh gjetjet e Panelit të Gjykatës së Apelit, Gjyqtari i Procedurës Paraprake konfirmoi “akuzën kundër Z. Thaçi për përpjekje për të penguar, me veprime të zakonshme, personat zyrtarë, përfshirë prokurorët dhe hetuesit e ZPS-së, në kryerjen e detyrave zyrtare, midis të paktën 26 qershorit 2023 dhe 2 nëntorit 2023”.
Për këtë formë të re të përgjegjësisë penale, Thaçi mohoi fajësinë.
Ai përmes shkrimit, u deklarua i pafajshëm për të gjitha pikat e aktakuzës.
“Në përputhje me Rregullën 92 të Rregullores së Procedurës dhe Provave, deklarata me shkrim e z. Thaçi për mospranim të fajësisë për secilën pikë dhe akuzë në Aktakuzën e Rikonfirmuar të ndryshuar, përfshirë edhe formën shtesë të nxitjes për Pikat 1 deri në 3, është e bashkangjitur me këto parashtresa”.
Thaçi për këto akuza, ndodhet në një aktakuzë të përbashkët me Bashkim Smakaj, Isni Kilaj, Fadil Fazliun e Hajredin Kuçin.
Procesi ndaj tyre, është ende në fazë paraprake.
