Ish-presidenti, Hashim Thaçi ka arritur në Kosovë, ku ka shkuar për vizitë te varri i babit të tij në Burojë të Skenderajt.
Burime të televizionit bëjnë të ditur se Thaçi do të qëndrojë në Kosovë në shtëpinë e tij dy ditë në Burojë, ku sot do të takohet me nënën dhe gruan e tij.
Kurse, të shtunën në selinë e EULEX-it ish-presidenti do të takohet me vëllezërit e tij motrën dhe djalin.
Ndërkohë, zëdhënësi i Dhomave të Specializuara të Kosovës, Michael Doyle për teve1.info tha se për arsye bindëse humanitare, trupi gjykues dhe gjyqtari i procedurës paraprake kanë udhëzuar Sekretarin që të menaxhojë një vizitë të mbikëqyryr në Kosovë për Hashim Thaçin që t’i bëjë nderimet dhe të jetë me familjen e ngushtë./teve1.info/
