Takimi bëhet në magjistralen Mitrovicë-Leposaviq, gjegjësisht te vendi i njohur si Kërshi i Dudës.
Patrullimi i njësisë anti-kontrabandë të Doganës së Kosovës fillon nga këtu.
Nuk vonon shumë dogana e Kosovës njoftohet nga Policia se në Jashqnicë të Leposaviqit ka bastisje, ku dyshohet për mallra të kontrabanduara.
Me të arritur në vendin e ngjarjes, në këtë lokal afër kampit të KFOR-it, gjenden mallrat të ndryshme të padeklaruara.
Këtu u gjetën edhe veshje me mbishkrime nacionaliste serbe.
Aksioni nuk përfundoi me kaq.
Ky njësit vazhdon në rrugët ilegale në pjesën veriore të Leposaviqit.
Kjo rrugë që të shpije në kufirin me Serbinë është mbyllur në këtë formë me beton.
E aty shihet se vetura nga Serbia frekuentojnë për kontrabandë këtë zonë.
Shefi u njësisë antikontrabandë thotë se ky fenomen i kundërligjshëm ka rënë dukshën pasi që patrullimet po bëhen në mënyrë të rregullt.
Tëvë ju sjell pamjet ekskluzive edhe nga pika zero në afërsi të territorit të Serbisë, ku zyrtarët doganier të antikontrabandës, kryejnë patrullimet.
Ky është fshati Zernosek i Leposaviqit, zonë kjo ku shihen edhe Policia serbe duke vëzhguar në pjesën e territorit të Kosovës.
Edhe nga kjo zonë sipas zyrtarit të antikontrabandës, janë arrestuar kontrabandues.
Në këto pamje të siguruara nga Tëvë1, shihen momentet kur kontrabanduesit tentojnë t’i ikin njësisë antikontrabandë.
Në këtë pjesë të vendit, sipas doganës së Kosovës, patrullimet po bëhen më të shpeshta, dhe niveli i kontrabandës ka rënë dukshëm.
