Në rrethana ende të paqarta, një i ri nga Podujeva u privua nga jeta nga një bashkëfshatar i tij, gjatë vikendit të fundit.
Ngjarja tragjike ndodhi brenda një veture, dhe dorasi shtiu disa plumba mbi viktimën.
I dyshuari Arbër Havolli është akoma në arrati.
Në shtatë muajt e parë të vitit, në Kosovë u shënuan tetë raste të vrasjeve.
Ngjarjet tragjike si ajo e së shtunës në Podujevë, sipas nënkolonelit në pension të Policisë së Kosovës, Refki Morina, vënë në pah sfidat për sigurinë publike.
“Është mirë që ti minimizohen rastet e tilla të vrasjeve sidomos të preventohen ato e të mos vije deri të vrasjet. Duhet të ndërmerren hapa konkrete nga Policia, Prokuroria e Gjyqësia në mënyrë që të mos lejohen kontekste pronësore juridike ose kontekste te tjera të cilat i paraprinë veprave penale të vrasjeve. Unë mendoj që duhet tërë spektri i sigurisë i gjyqësisë dhe prokurorisë të bëhen hapa konkrete që të mos vije deri te vrasjet”, ka thënë Morina.
Morina, kërkon nga organet e rendit hapa konkret në aspektin e armëve pa leje.
Popullata mban me vete armë ilegale për të cilat vazhdimisht kemi pretenduar që të gjendet një mundësi që këto armë ilegale të dorëzohen atje ku është vendi dhe të kthehen nga ilegale ne legale. Unë mendoj që Ministria e Punëve të Brendshme, Policia, por edhe institucione tjera të sigurisë të bëjnë hapa konkret të gjejë një mundësi në mënyra që t’i stimuloj personat që kanë armë ilegale t’i dorëzojnë ato dhe të kalohet në legale”, shprehet ai.
Kurse edhe sipas avokatit Asdren Bytqi, numri i madh i armëve pa leje në duart e qytetarëve po shpien në raste të tilla.
“Ne si shoqëri jemi në krizë e nuk ja kemi gjet ilaçin kësaj krize e që është edhe si rezultat i numrit të madh të armëve që janë në dispozicion tek qytetarët shkal i politikave të buta ndëshkimore, por njëkohësisht është edhe stad i pafuqisë shtetërore për të sjellë politika proporcionale lidhur me vrasjet. Çdo rregullim i mëparshëm do të ishte i mirë se ardhur për shembull shtimi i dënimeve penale për veprat penale të vrasjes jo deri në 25 a 40 vjet por ndoshta dënim të përjetshëm, ndoshta do të ketë efektin e saj mirëpo mbi të gjitha mendoj se si shoqëri jemi në një krizë të brendshme. Dallon nga përkufizimi ligjor i vrasjes i natyrës së vrasjes a është vrasje e rëndë apo e rëndomtë,mirëpo parimisht është minimum 10 vjet”, ka thënë Bytyqi.
Në disa statistika të cilat Policia e Kosovës ia ka siguruar televizonit, shihet se gjatë janarit deri në korrik të vitit të kaluar, numri i vrasjeve ishte dhjetë, kurse këtë vit u shënuan tetë vrasje.
Nga Policia treguan se deri më tani kani konfiskuar 1039 armë.
