Si pasojë e një aksidenti mes tri veturave në rrugën nacionale Pejë – Prishtinë, kanë mbetur të lënduar tetë persona.
Rastin për teve1.info e ka konfirmuar zëdhënësi i policisë, Bajram Krasniqi, teksa ka thënë se në vendin e ngjarjes kanë dalë njësitet relevante policore.
“Rreth orës 11:30, policia është njoftuar për një aksident trafiku në rrugën nacionale Pejë-Prishtinë. Njësitet policore njoftojnë se në aksident trafiku janë përfshirë tri automjete. Si pasojë e aksidentit tetë persona kanë kërkuar ndihmë mjekësore. Në vend-ngjarje janë njësitet relevante policore për trajtim të rastit”.
