Deri në muajin qershor të këtij viti, secili zyrtarë që ka hyrë në komunën e Zubin Potokut nuk është evidentuar fare.
Sipas raportit të vitit 2023 të Zyrës Kombëtare të Auditimit, kjo komunë nuk ka përdorur sistem elektronik apo lista për nënshkrimin e punëtorëve të cilët e dëshmojnë prezencën e tyre në punë.
E për të njëjtat vërejte të auditorit, kryetari i komunës, Izmir Zeqiri thotë se ka marrë menjëherë masa.
Tashmë evidencë për të gjithë punonjësit po mbahen në këto fleta.
Mirëpo, në këtë raport ka vërejte edhe për mungesë të rregulloreve për dhënien e subvencioneve.
Gjatë vitit të kaluar, tetë qytetarë të kësaj komune kanë përfituar mjete nga 73 deri në 350 euro mirëpo pa të dhëna se si ato janë shpërndarë.
Për këtë, Zeqiri po thotë se ka pasur një komision vlerësues derisa të kenë miratimin e një rregulloreje të qartë nga Kuvendi i Kosovës.
Gjithashtu, raporti thekson edhe moszbatimin e ligjit për mbledhjen e të hyrave, duke nënvizuar se komuna nuk i ka mbledhur të hyrat nga tatimi në pronë të paluajtshme.
Për këtë, kryetari shqiptar thotë se mungojnë njerëzit adekuat në këto pozita mirëpo ka hapur konkurse.
Raporti i Zyrës Kombëtarë të Auditimit nënvizon edhe disa parregullsi tjera në këtë komunë.
