Në aksidentin që ka ndodhur në udhëkryqin që lidhë rrugët Eqrem Çabej dhe Agim Ramadani, kanë qenë të përfshira dy vetura, ka njoftuar zëdhënësja e Policisë së Kosovës për rajonin e Prishtinës, Flora Ahmeti.
“Sot rreth orës 02:00, është pranuar informata për një aksident trafiku rrugor të ndodhur në udhëkryqin që lidhë rrugët Eqrem Çabej dhe Agim Ramadani. Në aksident janë përfshirë dy automjete, ku tetë persona kanë pësuar lëndime trupore”, ka thënë Ahmeti për teve1.info.
Ajo ka bërë të ditur se personat e lënduar janë dërguar në QKUK për trajtimin e nevojshëm mjekësor.
Njësia rajonale e trafikut po merret me rastin./teve1.info/
