Kështu ka bërë të ditur, ministrja e Drejtësisë, Albulena Haxhiu, e cila përmes një postimi në Facebook, tha se nga sot penalizohet testimi i virgjërisë.
“VEPËR E RE PENALE nga sot: Penalizohet testimi i virgjërisë”, ka shkruar Haxhiu.
Ajo përmendi edhe dënimet plotësuese ndaj atyre që shpallen fjatorë për dhunim seksual dhe dhunë në familje.
“Ndalimi i kandidimit në çdo pozitë publike në nivel lokal dhe qendror; Ndalimi i punësimit në institucione publike në të gjitha nivelet; Marrja e lejes së vozitjes e të gjitha kategorive; Ndalimin e blerjes në ankande publike dhe shërbime tjera; Ndalimi i aplikimit si investitor strategjik dhe privilegje tjera nga legjislacioni”, tha Haxhiu.
Sipas saj, për këto vepra do të shkurtohen afatet e gjykimit ashtu që të njëjtat nuk do të zgjasin më shumë se 1 vit.
“Për dhunuesit nuk do të ketë zbatim të zbutjes së dënimit. Për dhunuesit vetëm masë e paraburgimit”, ka thënë ndër tjera ajo. /teve1.info/
