Aksionet e Tesla ranë me 15 përqind ditën e Hënë duke i dhënë kompanisë së makinave elektrike ditën e saj më të keqe që prej Shtatorit 2020.
Është vala më e fundit e zhvlerësimit të aseteve që ka filluar që prej momentin kur presidenti Amerikan Donald Trump mori drejtimin e Shtëpisë së Bardhë.
Vlera e aksioneve të Tesla ka rënë me 50 përqind që prej 17 Dhjetorit 2024 kur preku nivelin e 479.86 dollarëve. Si rezultat më shumë se 800 miliardë dollarë janë fshirë nga vlera e kompanisë duke bërë që Tesla të humbasë statusin e saj si një kompani trilion dollarëshe muajin e kaluar.
Pavarësisht kësaj CEO i Tesla dhe një aleat i afërt i Trump nuk mendon se duhet ndryshuar ndonjë gjë. Në përgjigje të një komenti në X për zhvlerësimin e Tesla, miliarderi tha se çdo gjë do të jetë në rregull në një periudhë afatgjatë.
Përqendrimi i ndarë i Musk ka qenë një shkak shqetësimi për disa investitorë dhe analistë të tregut, veçanërisht pasi ai drejton përpjekjet e tij për të punuar me administratën Trump në Departamentin e Efikasitetit të Qeverisë (DOGE). /PCWorld Albanian
