Ai thotë se Islami dhe fetë të tjera e kanë ndaluar një gjë të tillë.
“Prapë po them se këtu nuk kemi të deklarohemi shpesh sepse është diçka që e ka ndaluar Zoti, është diçka që e ndalojnë ligjet e të madhit Zot. Është diçka që Islami dhe fetë të tjera e ndalojnë. Ne si prijës fetarë, asnjëherë në asnjë rrethanë nuk mund të themi diçka në kundërshtim me atë që urdhëron Zoti dhe vet Muhamedi. Sipas parimeve tona islame, në fenë tonë islame kjo nuk është e lejuar ngase nuk përkon me vet natyrshmërinë e vet njeriut si qenie më civilizuese të cilën zoti e ka veçuar nga të gjitha krijesat dhe gjallesat e tjera”, tha Tërnava në emisionin “Kandili” në Tëvë1.
Tërnava thotë se nëse pyeten krerët fetarë lidhur me Kodin Civil, qëndrimi i tyre tashmë dihet.
“Është një e vërtetë e madhe që kur e shohim një të keqe që shkon në dëm të kombit, ne krerët fetarë duhet të tubohemi dhe të marrim një vendim të prerë që ne ta ndalim diçka që nuk shkon në të mirë të familjes shqiptare dhe me këtë rast jemi deklaruar. Ju kemi bërë me dije politike dhe Qeverisë se nëse pyeten krerët fetar qëndrimi i krerëve fetar është ky”, është shprehur Myftiu. /teve1.info/
