Ne emisionin “Kandili” në Tëvë1, Tërnava tha se këtë vit kanë pasur aktivitete të shumta bamirëse.
“Bashkësia Islame e Kosovës ka mbi 2000 punëtorë dhe xhemati janë ata të cilët përkujdesën për të ardhurat e tyre mujore dhe për aktivitetet e shumta që ka Bashkësia Islame e Kosovës. Mund të them se këtë vit kemi pasur aktivitete të shumta bamirëse humanitare. Falënderojë të gjithë imamët që kanë dhënë kontribut në këtë drejtim, falënderojë kryetarët e këshillave, anëtarët, e kryesisë, fakultetit të medresesë të cilët u angazhuan dhe nuk kursyen asgjë që tu dalin në ndihmë edhe atyre të cilët janë në nevojë”, ka thënë ai.
Ai ka falënderuar bizneset e Kosovës që i janë përgjigjur thirrjes së BIK-ut, ku gjatë këtij muaji përmes shoqatës “Bereqeti” janë ndihmuar afër 30 mijë familje në nevojë.
Sipas tij, gjatë muajit të ramazanit për çdo ditë kanë dhënë 1000 iftare nëpër Kosovë.
“Falënderojë bizneset e Kosovës të cilët iu përgjigjen thirrjes së BIK-ut dhe gjatë këtij muaji të ramazanit vetëm përmes shoqatës Bereqeti janë ndihmuar afër 30 mijë familje dhe kjo flet vet se çfarë përkushtimi ka pasur nga ana e bizneseve. Ne gjatë këtij muaji të Ramazanit për çdo ditë si shoqatë bereqeti kemi dhënë afër 1000 iftare nëpër Kosovë”, përfundoi Tërnava. /teve1.info/
