Pas tërmetit prej 6.2 ballë që goditi kryeqytetin e Turqisë, Stambollin dhe zona të tjera të mërkurën, raportohen se më shumë se 150 njerëz u shtruan në spital pas lëndimeve të marra gjatë përpjekjes për të ikur nga ndërtesat, tha zyra e guvernatorit të stambollit.
“Trajtimet e tyre po vazhdojnë në spitale dhe nuk janë në gjendje të rrezikshme për jetën”, tha ai.
Tërmeti u ndje edhe në provincat fqinje Tekirdag, Yalova, Bursa dhe Balikesir dhe në qytetin e Izmirit, rreth 550 kilometra në jug të Stambollit. Pati disa pasgoditje, duke përfshirë një me magnitudë 5.3., raporton AP.
Shumë banorë u dyndën drejt parqeve, oborreve të shkollave dhe zonave të tjera të hapura për të mos qenë pranë ndërtesave në rast shembjeje ose tërmetesh të mëvonshme. Disa njerëz ngritën tenda në parqe.
“Falë Zotit, nuk duket se ka ndonjë problem tani për tani”, tha Presidenti Rexhep Tajip Erdogan në një ngjarje për festën e Sovranitetit Kombëtar dhe Ditës së Fëmijëve. “Zoti e ruajtë vendin dhe popullin tonë nga të gjitha llojet e fatkeqësive, fatkeqësive, aksidenteve dhe telasheve.”
