Barcelona ka njoftuar se e ka shkarkuar portierin Marc-Andre ter Stegen nga roli i kapitenit të ekipit të parë, pasi ka hapur procedura disiplinore kundër tij.
33-vjeçari ka qenë kapiten i Barcelonës që kur Sergio Busquets u largua nga klubi në vitin 2023.
Ter Stegen dhe Barcelona janë në një mosmarrëveshje të vazhdueshme si për të ardhmen e tij ashtu edhe për aftësinë e klubit për të aktivizuar rregullin e lëndimeve të La Ligas në mënyrë që t’i ndihmojë ata të regjistrojnë zëvendësuesin e tij, Joan Garcia.
Deri më tani, ata nuk kanë qenë në gjendje të regjistrojnë as Garcian, i cili erdhi për 25 milionë euro nga Espanyol, as Wojciech Szczesnyn, i cili ka nënshkruar një kontratë të re me klubin.
Barcelona njoftoi të enjten pasdite, pas raportimeve se trajneri Hansi Flick ishte në favor të shkarkimit të Ter Stegen nga posti i kapitenit.
“FC Barcelona njofton me anë të kësaj se, pas procedurave disiplinore të hapura kundër lojtarit Marc-Andre ter Stegen, dhe derisa kjo çështje të zgjidhet përfundimisht, klubi, me marrëveshje të ndërsjellë me Drejtorinë Sportive dhe stafin e trajnerëve, ka vendosur të tërheqë përkohësisht rolin e tij si kapiten i ekipit të pare”, ka shkruar Barça.
Gjatë kësaj periudhe, detyrat e kapitenit të parë do të merren nga zëvendëskapiteni aktual, Ronald Araujo.
