Policia e Kosovës ka bërë të ditur se një person i dyshuar duke iu shmangur ndalimit të urdhrit policor, ka tentuar t’i godasë me automjet zyrtarët e njësitit policor, mbrëmë në Gjilan.
Në raportin 24-orësh të PK-së, thuhet se njëri nga zyrtarët policor në vetëmbrojtje ka përdorur armën e zjarrit.
Ndërkohë, i dyshuari raportohet se është larguar në drejtim të panjohur dhe ende është në arrati.
Për këtë rast, Policia ka bërë të ditur se nuk ka persona të lënduar, derisa është iniciuar si “Vrasje në tentativë”.
“VRASJE NË TENTATIVË -Gjilan 01.06.2023-23:00. Njësiti policorë duke tentuar ta ndalojnë të dyshuarin mashkull kosovar, i njëjti për t’iu shmangur ndalimit ka tentuar ti godas me automjet zyrtarët, ku njëri nga zyrtarët policor në vetëmbrojtje ka përdor armën e zjarrit. I dyshuari është larguar në drejtim të panjohur. Nuk raportohet për të lënduar, rasti në procedurë hetimore”, thuhet në raportin e Policisë. /teve1.info/
