Policia e Kosovës ka njoftuar se gjatë një pike kontrolli në Bërnjak ka ndaluar një veturë e cila sipas policisë dyshohet se ka hyrë nga Serbia në Republikën e Kosovës.
Sipas njoftimit të policisë thuhet se me rastin e kontrollimit të personit – vozitësit të automjetit, janë gjetur një sasi e konsiderueshme e parave, 60 mijë euro.
“Gjatë realizimit të detyrave dhe autorizimeve ligjore, konkretisht me rastin e kontrollit të personit-vozitësit të automjetit BMË të ndaluar, Policia ka identifikuar dhe gjetur nën pantallona në pjesë të ndjeshme të trupit të tij dhe në gjep një sasi të konsiderueshme të parave. Pasi që personi i dyshuar nuk ka arrit të ofroj mbulues me dokumente për paratë qe i ka poseduar me vete, i njëjti është dërguar në stacionin policor në Zubin Potok për procedura tjera” thuhet në njoftim.
Në njoftimin e PK-së, thuhet se për rastin janë njoftuar njësite kompetente për luftimin e krimeve ekonomike dhe korrupsionit, dhe ndaj të dyshuarit është iniciuar rasti “ shpërlarja e parave”.
