Një person është arrestuar nga Policia e Kosovës në Leposaviq, pasi që i njëjti dyshohet se kishte kaluar ilegalisht kufirin.
I arrestuari, dyshohet se kishte tentuar të hyjë në Kosovë përmes rrugëve ilegale nga Serbia me një furgon në të cilin kishte të ngarkuar mallra komerciale, si pije, gjëra ushqimore dhe detergjent.
Policia në raportin ditor ka bërë të ditur se automjeti së bashku me mallin i janë dorëzuar doganës.
Ndërkohë, i dyshuari pas intervistimit me vendim të prokurorit është liruar në procedurë të rregullt.
“Është arrestuar i dyshuari kosovar për shkak se i njëjti duke përdorur rrugët ilegale kishte hyrë nga Serbia në Republiken e Kosovës, me një furgon në të cilin kishte të ngarkuara mallra komerciale (pije të ndryshme, gjëra ushqimore dhe detergjent). Automjeti së bashku me mallin i janë dorëzuar doganës, ndërsa i dyshuari pas intervistimit me vendim të prokurorit është liruar në procedurë të rregullt”, thuhet në njoftim./teve1.info/
