Ulëseve të deputetit, do t’i kthehen serish të mërkurën.
Krejt kjo në tentimin e pestë për konstituimin e institucionit legjislativ.
Kjo meqë katër seancat e kaluara, nuk rezultuan të suksesshme për zgjedhjen e kryekuvendarit.
Hise në këtë dështim, monitoruesit e punës së Kuvendit thonë se ka kryesuesi i seancës.
“Instituti i Kosovës për Drejtësi vlerëson së është dashur të konsumohet e drejta e votimit, qoftë edhe për kandidaten që nuk e ka marrë besimin e Kuvendit në herën e kaluar. Është dashur të përsëritet që të konsumohet dhe të konkludohet përfundimisht që ka dështuar ai votim. 1:45 Deputetët e Kuvendit të Republikës së Kosovës mund dhe kanë të drejtë të votojnë jashtë linjave partiake dhe nuk duhet të ketë paragjykime për votën e tyre”, vlerëson Melos Koloshi nga IKD.
Por, sa herë ka të drejtë partia fituese ta propozoj emrin për kryekuvendarin?
“Një situatë e tillë nuk është përkufizuar, kështu që propozimi mund të bëhet disa herë, deri në momentin që të zgjidhet. Siç është parashikuar edhe në aktgjykimin e Gjykatës e Kushtetuese është drejtë dhe detyrë e secilit deputet që të arrijë konstituimin”, thotë ai.
E analistët politik në vend, kanë treguar se cila është rruga që mund të dilet nga kjo situatë.
“E vetmja mundësi është që partia fituese të ofrojë bashkëpunim koalicion të konkretizuar, e zeza në të bardhën ,që të kemi përparim drejt institucioneve të reja. Kjo është e mundshme të bëhët në qoftë se merret në konsideratë gatishmëria e Nismës Socialdemokrate që t’i bashkohet qeverisë së ardhshme të Republikës dhe të ecet me situatën drejt zgjedhjes së kryetarit të Kuvendit, pastaj nënkryetarëve”, shprehet Maloku.
Seanca e radhës do të mbahet të mërkurën nga ora 10:00.
