Policia e Kosovës ka arrestuar një person 31-vjeçar, pasi që i njëjti dyshohet për vrasje në tentativë, mëngjesin e së premtes në rrugën “Adem Jashari” në Pejë.
Policia thotë se D.F., dyshohet se ka shtënë me armë në drejtim të një veture tjetër, dhe më pas është larguar, ku policia i është vënë pas.
“Policia menjëherë ka dalë në vendngjarje, nga patrulla Policore ёshtё vërejtur njё veturё me targa vendore e cila ishte duke u larguar me nxitim nga vendi i ngjarjes, tё cilës iu ёshtё vёnё pas patrulla policore, dhe pas njё kohe tё shkurtёr ёshtё arritur tё ndalohet dhe tё arrestohet personi i dyshuar: D.F. i lindur me 1992 mashkull/Kosovar”, thuhet në njoftimin e PK-së.
Në komunikatë është bërë e ditur se nga të shtënat nuk raportohet për të lënduar, përveç dëmeve që i dyshuari ka shkaktuar veturës.
Në vendin e ngjarjes policia ka gjetur armën e përdorur, karikatorin dhe tetë gëzhoja.
31-vjeçari me vendim të prokurorit është dërguar në mbajtje./teve1.info/
