Policia e Kosovës ka identifikuar dhe ndaluar të gjithë personat e përfshirë në një përleshje mes dy grupeve që ka ndodhur më datë 31 janar në rrugën “Fahri Fazliu” në Prishtinë.
Sipas policisë, në atë përleshje një person kishte përdorur veturën duke lënduar tre persona.
Policia ka bërë të ditur se një person me inicialet A.T është arrestuar dhe është dërguar në paraburgim prej 30 ditësh, kurse katër personat e tjerë janë liruar në procedurë të rregullt.
Po ashtu, siç ka njoftuar policia janë realizuar tri bastisje në tri lokacione të ndryshme si dhe janë konfiskuar dy armë zjarri./teve1.info/
