Policia e Kosovës ka njoftuar për një rast të vrasjes në tentativë që thuhet se ka ndodhur të shtunën në Drenas.
Përmes raportit 24-orësh bëhet e ditur se një person është sulmuar me shkop të drurit në kokë.
Viktima është është dërguar për trajtim mjekësor në Qendrën e Mjekësisë Familjare në Drenas e më pas në Qendrën Klinike Universitare të Kosovës.
Lidhur me rastin thuhet se janë arrestuar dy të dyshuar të cilët me vendim të prokurorit janë dërguar në mbajtje.
“Raportohet se viktima m/k ishte dërguar në tretman mjekësor në QMF Drenas e më pas në QKUK pasi që, i njëjti kishte lëndime nga goditja me shkop druri në kokë. Lidhur me rastin janë arrestuar dy persona të dyshuar meshkuj K-Shqiptar dhe me vendim të prokurorit dërgohen në mbajtje”, thuhet në raportin e Policisë./teve1.info/
