Të shtunën do të mbahet tentativa e tretë e konstituimit të Kuvendit të Kosovës pas dy dështimeve në seancat e 15 dhe 17 prillit.
Seanca është paraparë të nis nga ora 12:00.
Votimi i raportimit të komisionit të përhershëm për verifikimin e mandateve të deputetëve i cili nuk u miratua në seancën e 15 marsit është pika e parë e kësaj seance.
Kjo pikë nuk u hodh në votim të enjet fare nga kryesuesi i seancës, Avni Dehari në cilësinë e deputetit më të vjetër .
Ai në fillim të seancës ftoi përfaqësuesit e partive politike për konsultim të letrës që presidentja Vjosa Osmani i kishte kthyer më 16 prill, e cila kishte thënë se Kuvendi duhet të vazhdojë me punimet, pasi paraprakisht Avni Dehari i kishte kërkuar sqarime se si duhet vepruar pasi nuk u votua raporti i komisionit për verifikim e mandateve të deputetëve.
Thirrja për konsulta nga partitë opozitare shqiptare të legjislaturës së kaluar u tha se ishte e panevojshme dhe shkelje procedurale nga kryesuesi.
Një orë pas kësaj, kur deputetët u kthyen në Kuvend, kryesuesi Avni Dehari ndërpreu seancën me arsyetimin se nuk kishte koordimin nga disa parti për konsultime.
Ndërprerja e seancës u cilësuar se shkelje e rregullores nga Instituti Demokratik i Kosovës, organizatë që monitoron punën e Kuvendit.
Çfarë mund të ndodhë në seancën e sotme?
Paqartësi për mënyrën se si do të vazhdojë kjo seancë kanë shprehur njohës të zhvillimeve politike, në një situatë aktuale me dallimet mes partive politike, zgjedhjet e jashtëzakonshme kanë filluar të përmenden nga partitë politike.
Se çfarë do të ndodhë në seancën e së shtunës, ministri në detyrë i Bujqësisë Faton Peci ka thënë në Tëvë 1 se nuk mund të paragjykojë. Ai ka thënë se Kuvendi është një precedentë të paparë dhe se nuk do të votojnë diçka që është e kundërligjshme.
