Sot (e premte) do të mbahet vazhdimi i seancës konstituive.
Ky do të jetë tentimi i gjashtë që të konstituohet Kuvendi ku në rend dite është zgjedhja e kryetarit të Kuvendit.
Propozimi i LVV-së si fituese e zgjedhjeve, Albulena Haxhiu në katër votime nuk ka arritur të marrë votat e mjaftueshme për kryeparlamentare.
PDK, LDK e AAK në këto seanca nuk e kanë votuar Haxhiun, ndërsa tre deputetë të Nismës kanë abstenuar.
PDK e AAK kanë kërkuar nga LVV të ndërrojë kandidaten, ndërsa LDK ka thënë se nuk e voton asnjë kandidatë të kësaj partie.
Ndërsa, Lëvizja Vetëvendosje ka thënë se ata kanë kandidaten e tyre dhe siç kanë deklaruar opozita nuk mund të imponojë kandidat, duke u bërë thirrje që Haxhiu të votohet.
Në seancën e së premtes që është parapër të nis nga ora 10:00, sipas njohësve politik nuk pritet që të ketë ndonjë zhvillim të ri.
Kjo pasi edhe partitë politike nuk kanë lëvizur nga qëndrimet e tyre.
Edhe kryesuesi i seancës, Avni Dehari ka thënë se nuk do të thërras takime konsultative me paritë politike, siç bëri para seancës së kaluar.
Në situatën aktuale, zgjedhjet e reja janë përmendur si mundësi nga dy taboret politike.
Ndërsa, vendet e BE-së dhe Britania e Madhe kanë bërë thirrje që Kosova sa më shpejtë të formojë institucionet e reja./teve1.info/
