Drejtori i kësaj ndërmarrje Genc Beribashi, nuk u lejua të fillojë këto punime nga familja Morina.
Sipas familjes Morina, kjo pronë që e quajnë Zabeli në Breg, po uzurpohet në mënyrë të jashtëligjshme nga Ndërmarrja “Ferronikeli”.
Adem Morina, thotë se ka dokumente që kjo pronë është e tyre dhe për të njëjtën janë edhe në proces gjyqësor.
Sipas 74-vjeçarit, këtë pronë po e mbrojnë edhe gratë me fëmijët.
Në anën tjetër, Lumin Morina thotë se janë bërë 10 ditë që po e ruajnë tokën e tyre.
Ai tregon se zyrtarët e kësaj ndërmarrje nuk po dakordohen për një marrëveshje.
Tëvë1 ka kërkuar përgjigje edhe nga Policia e Kosovës, mirëpo deri në momentin e publikimit të lajmit nuk kanë kthyer përgjigje.
Raporti i gazetares Fetije Kamberi./teve1.info/
