Ditë më parë komuna e Prishtinës finalizoi tenderin e radhës në vlerë 450 mijë euro.
Këtë herë, institucioni që udhëhiqet nga Përparim Rama, ka vendosur tu dalë në ndihmë punonjësve të saj.
Në këtë formë, komuna e Prishtinës ka ndarë nga 500 euro për secilin punonjës, si ndihmë pas krizës financiare të krijuar në vend.
Zyrtarët komunalë e kanë mundësinë të furnizohen me artikuj ushqimor tek dy operator ekonomik.
“Shuma e përgjithshme e tenderit eshte 450.000 euro, i ndarë për pako ushqimore për punonjësit e Komunës. Operatorët ekonimik fitues të tenderit janë “Beni Dona Plast” dhe “Viva Fly””, thuhet në përgjigjen e Drejtorisë së Financave për Tëvë1.
Nga ky subvencion do të përfitojnë rreth 877 zyrtarë.
Sipas drejtorisë së Financave, ky suvencionim me pako ushqimore ka për qëllim lehtësimin për festat e fundvitit për punonjësit.
Kujtojmë se edhe gjatë vitit 2020, komuna e Prishtinës ka dhënë subvencione të tilla në vlerë 300 euro si shujtë vjetore për punënonjësit e komunës.
Kronika e realizuar nga gazetarja Lendrina Kodrolli.
