Trajneri i Manchester United, Erik ten Hag, shpreson që Jadon Sancho të kthehet në formën e tij më të mirë pasi bëri paraqitjen e tij të parë që nga tetori në fitoren 2-0 të së mërkurës mbrëma ndaj Nottingham Forest në gjysmëfinalen e Carabao Cup.
United do të përballet me Newcastle në shfaqje më 26 shkurt pasi mundi Forestin 2-0 në ndeshjen e dytë gjysmëfinale në Old Trafford për të vulosur një fitore të përgjithshme 5-0.
Themelet e kësaj fitore u hodhën me një triumf 3-0 në “City Ground” në ndeshjen e parë të javës së kalua, dhe me një tjetër fitore në “Old Traffod’ prej dy goalve. Një tjetër pozitiv për United ishte rikthimi i Sanchos, i cili bëri paraqitjen e tij të parë në 2023 që nga tetori i 2022-ës pas një mungese të gjatë.
Sancho nuk ishte apo gjendjen e duhur fizike, dhe për këtë kishte bërë një program individual fitnesi në Holandë në vend që të udhëtonte në kampin dimëror të skuadrës në Spanjë. Ai u kthye me brohoritje të mëdha nga turma në “Old Trafford” dhe Ten Hag mezi pret ta kthejë 22-vjeçarin në maksimumin e tij.
“Lojtarët më të rëndësishëm (duhet të) shijojnë futbollin, i cili u jep energji, që u jep atyre motivimin për të vepruar dhe për të performuar. Ai ka standarde vërtet të larta, ka aftësi të mëdha për të kontribuar në ekipin tonë dhe me të skuadra po përmirësohet, ne po luajmë më shumë në pjesën e kundërshtarit dhe aftësitë e tij po dalin më shumë në plan të parë [pastaj]. Ai mund të veprojë më shumë mbi to dhe të ketë më shumë prekje në top dhe kjo i jep atij platformën më të mirë për të performuar’, tha Ten Hag, i cili nder tjera vlerësoi në maksimum mikëpritjen e tij nga tifozët.
“Mendoj se ishte e mrekullueshme, pritja nga fansat ndaj tij, dhe gjithashtu kjo do t’i japë atij edhe më shumë një shtysë për të vazhduar në mënyrën që po vepron tani. Ai sapo ka filluar përsëri, ai është kthyer në Carrington, dhe shpresojmë se ai mund ta mbajë atë dhe të kontribuojë vërtet për ekipin, sepse kur është në formë ai është i rëndësishëm për ne”, nënvizoi tutje trajneri holandez.
Kjo është finalja e parë United që nga viti 2018, kur ata humbën Kupën FA, dhe i bën ata një fitore larg përfundimit të një mungese gjashtëvjeçare të një trofeu, duke u kthyer pas suksesit të Ligës së Evropës 2017 nën drejtimin e Jose Mourinhos.
