Kryeministri i Shqipërisë, Edi Rama, i ka cilësuar si telenovela pyetjet për raportet e tij me kryeministrin në detyrë të Kosovës, Albin Kurti.
Gazetarit të Tëvë1, kur është pyetur për raportet me Kurtin, Rama i është drejtuar duke thënë:
“E keni bërë si telenovelë, a e do a se do”.
Për këtë, publicisti Kim Mehmeti thotë se nga ana e Ramës është e tepruar, sepse përgjigjet e tij ndaj pyetjeve gjithmonë janë me përbuzje dhe tallje.
Ai tha se “kushtimisht”, shpeshherë Rama më shumë lenë përshtypjen e një njeriu të rrugës sesa kryeministër.
“Nuk mund t’i mohohet një vlerë, që është i dijshëm, është orator – nuk është ai njëri që ju mund ta kapni… kështu që di të jetë edhe interesant. Mirëpo, shpeshherë, duket kushtimisht të them më shumë të lenë përshtypjen se është një njëri i rrugës sesa kryeministër, kjo është problematike. Por, sido që të jetë ai është drejtues i një shteti. Nuk i lejohet atij, ajo që i lejohet rrugaçit”, tha ai në emisionin “Këndi i Kimit” në Tëvë1.
Sipas Kimit, kryeministri Rama përgjigjeve të gazetarëve mund edhe t’iu përgjigjet ndryshe.
“Pyetjeve mund të ju përgjigjet edhe ndryshe, s’duhet gjithmonë me përbuzje, me tallje. Këtë ai e ka si formë të komunikimit me njerëzit. Më duket se është e tepruar. Nuk mundet ashtu e as nuk ka nevojë”, deklaroi ai. /teve1.info/
