Përkundër shumë kritikave, qeveria në detyrë ka marrë disa vendime në mbledhjen e 258-të.
Këtu u miratua propozim-vendimi për emërimin e Bordit të Drejtorëve të Ndërmarjes publike “Ujësjellësi Hidroregjioni Jugor” në Prizren.
Kryeministri Albin Kurti ka thënë se ky Bord do të përbehet nga një kryesues dhe tre anëtarë.
Ylber Elshani kryesuese, Agim Muqaj anëtarë, Selvete Gjikolli anëtare dhe Sylejman Gashi anëtarë
Ekzekutivi ia ka miratuar edhe një kërkesë për huamarrje në vlerë prej 10 milionë euro, “Telekomit të Kosovës”.
“Paraqes kërkesën për hua marrje në vlerë prej 10 milion euro nga Telekomi i Kosovës, e cila kërkon miratimi në parim në qeveri. Me bordin e duhur dhe me përkushtim e qeverisë për ta mbështetur ndërmarrjen, ndërmarrja ka filluar që të këndellet. Vështirësitë nuk janë tejkaluar të gjitha, që nga e kaluar e errët që shkaktojnë here pas here si në rastin konkret me likuiditet që ndërmarrja ka llogari të bllokuara nga një rast i më hershem”, tha ministri në detyrë i Financave, Hekuran Murati.
Në këtë mbledhje u miratua edhe një propozim-vendim për themelimin e Grupit koordinues dhe intervenues për mishngrënësit e mëdhenj.
“Ky grup do të kontribuoj në sigurinë publike qëllimi dhe në parandalimin e veprimeve të pa ligjshme ndaj specieve të mbrojtura. Qëllimi kryesor i grupit koordinues është që të shërbej si këshill dhënës dhe koordinues ndërinstitucional që do të zhvilloj politika për menaxhimin dhe ruajtjen e mishngrënësit të mëdhenj. Ndërsa qëllimi kryesor i grupit intervenues është që të veprojë në mënyrë të shpejt dhe të koordinuar në situata urgjente që përfshin mishngrënësit e mëdhenj si dhe të kontribuoj ne menaxhimin e tyre më teren”, tha ministri në detyrë i Bujqësisë, Faton Peci.
E në fillim të mbledhjes së sotme, Kurti mbajti një fjalim që zgjati disa minuta. Në një pjesë të tij, përveç opozitës, hodhi akuza edhe ndaj medieve.
